Эми Кыргыз Республикасынын жарандары “Кыргыз почтасы” ААКнын бөлүмдөрү аркылуу АКШга товар, белек жана уруксат берилген башка салымдары бар посылкаларды кайрадан жөнөтө алышат.

АКШ менен почта байланышынын кайра жанданышы калк үчүн эл аралык почта кызматтарынын жеткиликтүүлүгүн камсыздоого, товарларды жана жеке жөнөтмөлөрдү жөнөтүү мүмкүнчүлүктөрүн кеңейтүүгө, ошондой эле чек ара аралык электрондук сооданы өнүктүрүүгө кошумча шарттарды түзүүгө мүмкүндүк берет.

АКШга эл аралык почта жөнөтмөлөрүн жөнөтүүнүн шарттары, колдонуудагы тарифтер, бажы талаптары жана тариздөө тартиби тууралуу кеңири маалымат “Кыргыз почтасы” ААКнын расмий сайтында — www.post.kg жайгаштырылган.

“Кыргыз почтасы” ААК эл аралык почта жөнөтмөлөрүнүн географиясын кеңейтүү, тейлөөнүн сапатын жогорулатуу жана Кыргыз Республикасынын жарандары менен ишкерлерине почта кызматтарын ыңгайлуу жана жеткиликтүү кылууга багытталган заманбап чечимдерди киргизүү боюнча ишин улантууда.

Сообщение “Кыргыз почтасы” АКШга эл аралык почта жөнөтмөлөрүн жөнөтүүнү кайра жандандырды появились сначала на Кыргыз почтасы.

• 1. Тиркемени жүктөп алыңыз
  • Смартфонуңузга акысыз Zonos Prepay тиркемесин орнотуңуз (App Store жана Google Play платформаларында жеткиликтүү).
• 2. Аккаунт каттаңыз
  • Профиль түзүп, маалыматтарды латын тамгалары менен гана киргизиңиз (аты-жөнүңүз, электрондук почта дарегиңиз).
  • Zonos компаниясынан келген каттагы шилтеме аркылуу электрондук почта дарегиңизди ырастаңыз.
• 3. Жөнөтмөнүн параметрлерин көрсөтүңүз
  • Тиркемени ачып, жөнөтүлүүчү почта жөнөтмөсүнүн түрүн тандаңыз: стандарттык посылка, белек, документ же кайтарым жөнөтмө.
  • Зарыл болсо, товарлардын келип чыккан өлкөсүн көрсөтүңүз.
  • Почта операторуңузду тандаңыз (мисалы, Kyrgyz Post ж.б.).
• 4. Посылканын ичиндегилерди сүрөттөп бериңиз (эки ыкманын бирин тандаңыз)
  • Жасалма интеллект аркылуу автоматтык түрдө (Zonos Vision): жөнөтүлүүчү бардык буюмдарды бир жалпы сүрөткө же бир нече сүрөткө тартыңыз. Жасалма интеллект товарларды өзү таанып, бажы декларациясы үчүн керектүү маалыматтарды сунуштайт.
  • Кол менен: товарлардын аталыштарын, санын жана баасын өз алдынча киргизиңиз.
• 5. Маалыматтарды текшерип, бажы алымдарын төлөңүз
  • Бажы декларациясында көрсөтүлгөн маалыматтардын тууралыгын текшериңиз.
  • Тиркеме АКШ үчүн тиешелүү бажы алымдарын жана төлөмдөрдү эсептеп чыгат. Аларды тиркеме аркылуу банк картасы менен төлөңүз.
• 6. Посылканы почта бөлүмүнө тапшырыңыз
  • Тиркемеде жол-жоболоштуруу иштерин бүтүрүп, бажы алымдарын төлөгөндөн кийин, даяр посылкаңызды тандаган почта операторунун бөлүмүнө алып барыңыз.
  • Жол-жоболоштурулган ID-декларацияны же QR-кодду почта кызматкерине көрсөтүңүз.
  • Почта жөнөтмөсүн жеткирүү үчүн бекитилген тарифтерге ылайык төлөм жүргүзүңүз.

Сообщение АКШка жөнөтүү үчүн товар салынган эл аралык почта жөнөтмөлөрүн кабыл алуу башталды! появились сначала на Кыргыз почтасы.

2026-жылдын 15-октябрында Кыргызстанга жабдуулардын алгачкы партиясы жеткирилди. Анын курамында 80 даана компьютердик жабдуу жана 26 даана термопринтер бар. Жабдуулар “Кыргыз почтасы” ААКнын почта бөлүмдөрүнө жөнөтүлүп, жумуш орундарын жаңылоого, иш процесстерин автоматташтырууга жана калкка көрсөтүлүүчү кызматтардын сапатын жогорулатууга багытталат. Долбоордун кийинки этабында видеобайкоо камераларын жеткирүү да күтүлүүдө. Жабдууларды сатып алуу иштери Кыргыз Республикасындагы БУУнун Өнүктүрүү программасынын (БУУӨП) катышуусунда жүргүзүлдү.

Жаңы жабдуулар кызматкерлердин иштөө шарттарын жакшыртып, почта кызматтарын калк үчүн ыңгайлуу жана ыкчам кылууга шарт түзөт. Долбоор почта тармагын жаңылоого, анын ичинде өлкөнүн алыскы аймактарындагы кызмат көрсөтүүлөрдү жакшыртууга маанилүү кадам болуп саналат. “Кыргыз почтасы” ААК Япониянын MIC Future Together фондуна, БДПУнун Эл аралык бюросуна жана Кыргыз Республикасындагы БУУӨПкө долбоорду ишке ашырууда көрсөткөн колдоосу жана көмөгү үчүн ыраазычылык билдирет.

Сообщение “Кыргыз почтасы” ААК гранттык долбоордун алкагында жабдуулардын алгачкы партиясын алды появились сначала на Кыргыз почтасы.

2026-жылы “Санариптик дүйнөдө адамдардын байланышы эмне үчүн маанилүү экендиги жөнүндө досуңузга кат жазыңыз” деген темада өткөн сынакка өлкөнүн бардык аймактарынан 13 миңден ашуун окуучу катышты.

Республикалык жумушчу комиссиянын чечими менен байгелүү орундар төмөнкү окуучуларга ыйгарылды:

I орун — Кубатбекова Анара, Нарын шаарындагы В. П. Чкалов атындагы №2 жалпы билим берүү мектебинин окуучусу. Сыйлыгы — диплом жана ноутбук.

II орун — Алтынбекова Канайым, Ысык-Көл облусунун Ак-Суу районуна караштуу Ичке-Жергез айылындагы А. Истамбеков атындагы орто мектептин окуучусу. Сыйлыгы — диплом жана планшет.

III орун — Меликова Айтурган, Талас облусунун Талас районуна караштуу Манас айылындагы мектептин окуучусу. Сыйлыгы — диплом жана уюлдук телефон.

Биринчи орунду алган Кубатбекова Анаранын эмгеги дүйнөлүк масштабтагы сынакка катышуу үчүн Бүткүл дүйнөлүк почта уюмунун Эл аралык бюросуна жөнөтүлдү.

“Кыргыз почтасы” ААК сынакка катышкан бардык окуучуларга ошондой эле окуучуларды колдогон мугалимдерге, ата-энелерге жана сынакты уюштурууга салым кошкон бардык адистерге терең ыраазычылык билдирет.

Сообщение Эл аралык эпистолярдык дилбаян сынагынын жеңүүчүлөрү аныкталды появились сначала на Кыргыз почтасы.

1. Сатууга коюлган мүлк жөнүндө маалымат (№3 лот):

— Аталышы (маркасы, модели): Golden Dragon XM Q6129P2 үлгүсүндөгү автобус;

— чыгарылган жылы: 2019;

— мамлекеттик номери: 01KG095BH;

— VIN: LA6R1HSL7BB100734;

— Баштапкы (старттык) баасы: 727 500 сом.

2. Сооданы өткөрүүнүн шарттары:

— Сооданын формасы: баа боюнча сунуштарды берүү формасындагы ачык аукцион;

— Аукционду өткөрүү күнү жана убактысы: 09.11.2026-жылы саат 09:00дө;

— Аукцион өткөрүлүүчү жер: Бишкек шаары, Фучик көчөсү 90/1, «Пост Бас» ЖЧКнын кеңсеси;

— Арыздарды кабыл алуу мөөнөтү жана убактысы: 07.10.2026-жылдан 07.11.2026-жылга чейин, күн сайын саат 9:00дөн 17:00гө чейин;

— Арыздарды кабыл алуу жана автобусту кароо дареги: автобусту кароо иш күндөрү алдын ала макулдашуу боюнча жүргүзүлөт (тел.: 0704 30 56 56, 0507 66 73 76);

3. Катышуучуларга коюлуучу талаптар.

Аукционго катышуу үчүн талапкер уюштуруучуга төмөнкү документти берүүгө тийиш:

— Белгиленген формадагы катышуу жөнүндө арыз.

Сообщение Автобусту сатуу боюнча ачык аукцион өткөрүү жөнүндө жарыя появились сначала на Кыргыз почтасы.

Сапар учурунда жетекчи бөлүмдөрдүн иши, кызматкерлердин эмгек шарттары жана калкка почта кызматтарын көрсөтүү иштери менен таанышты. Жамааттар менен жолугушууда учурдагы маселелер, көйгөйлөр жана чек арадагы калктуу конуштарда кызмат көрсөтүүнүн сапатын жогорулатууга, почта тармагын мындан ары да өнүктүрүүгө багытталган сунуштар талкууланды.

“Кыргыз почтасы” ААКнын чек арадагы бөлүмдөрүн өнүктүрүү жана колдоо компаниянын жетекчилигинин өзгөчө көзөмөлүндө турат. Кызматкерлер үчүн зарыл шарттарды түзүүгө, калкты тейлөөнүн сапатын жогорулатууга жана алыскы жана чек ара аймактарындагы тургундар үчүн почта кызматтарынын жеткиликтүүлүгүн камсыз кылууга өзгөчө көңүл бурулат.

Сообщение “Кыргыз почтасы” ААКнын башкы директору Лейлек районундагы чек арага жакын почта байланыш бөлүмдөрүнөн кабар алды появились сначала на Кыргыз почтасы.

Белгилей кетсек, буга чейин Кыргыз Республикасынын Министрлер Кабинетинин токтомун аткаруунун алкагында борбордук аппараттын кызматкерлери үчүн мамлекеттик тилди өздөштүрүү боюнча окутуу жана консультациялык иш-чаралар уюштурулган. Кызматкерлерге “Кыргызтест” системасы боюнча тестирлөөгө даярдануу үчүн керектүү маалыматтар берилип, алар тестирлөөдөн ийгиликтүү өтүшкөн.

Иш-чара мамлекеттик тилди өнүктүрүүгө, анын кесиптик чөйрөдө колдонулушун кеңейтүүгө жана кызматкерлердин тил билүү деңгээлин жогорулатууга багытталды. “Кыргыз почтасы” ААК мамлекеттик тилди өнүктүрүүгө жана улуттук баалуулуктарды урматтоого багытталган иш-чараларды мындан ары да колдойт.

Сообщение “Кыргыз почтасы” ААКта мамлекеттик тил күнү белгиленди появились сначала на Кыргыз почтасы.

Көргөзмө эки өлкөнүн ишкер чөйрөлөрүнүн жолугушуусуна, жаңы байланыштарды түзүүгө жана кызматташуунун келечектүү багыттарын талкуулоого мүмкүнчүлүк түздү. Катышуучулар өздөрүнүн товарларын жана долбоорлорун тааныштырып, соода, инвестиция, логистика жана электрондук соода тармактарындагы кызматташуу мүмкүнчүлүктөрүн талкуулашты.

“Кыргыз почтасы” ААК кытайлык өнөктөштөр менен кызматташууну, өзгөчө почта логистикасы жана электрондук соода багыттарын өнүктүрүүгө кызыкдар. Мындай иш-чараларга катышуу жаңы өнөктөштөрдү табууга, тажрыйба алмашууга жана эл аралык кызматташууну өнүктүрүү үчүн жаңы мүмкүнчүлүктөрдү түзүүгө шарт түзөт.

Сообщение “Кыргыз почтасы” ААК Кыргыз-Кытай товарлар көргөзмөсүнүн ачылышына катышты появились сначала на Кыргыз почтасы.

Форумдун алкагында юбилейлик сыйлыктар тапшырылды. “Кыргыз почтасы” ААК почта тармагын өнүктүрүүгө кошкон салымы, эл аралык кызматташтыкты бекемдегени жана РССтин ишине активдүү катышканы үчүн РССтин юбилейлик медалы менен сыйланды.

Бул медаль “Кыргыз почтасы” ААКнын жамаатынын почта кызматтарын өнүктүрүү, заманбап технологияларды киргизүү жана эл аралык кызматташтыкты бекемдөө багытындагы эмгегине берилген жогорку баа болуп саналат. «Кыргыз почтасы» ААК РССке ыраазычылык билдирип, мындан ары да почта тармагын өнүктүрүү жана эл аралык кызматташтыкты бекемдөө боюнча ишин улантат.

Сообщение “Кыргыз почтасы” ААК РССттин юбилейлик медалы менен сыйланды появились сначала на Кыргыз почтасы.

Кызматташтыктын негизги багыттарынын бири B2C, C2C жана B2B форматтарындагы электрондук коммерциялык жөнөтүүлөрдү жеткирүүнү уюштуруу, ошондой эле EMS кызматын, кат-кабарларды жана посылкаларды жеткирүү кызматтарын өнүктүрүү болот. Өзгөчө көңүл Кытайдан Кыргызстан аркылуу Пакистанга почта жөнөтүүлөрүн жана электрондук коммерциялык жүктөрдү автомобиль транспорту менен транзиттик ташууну өнүктүрүүгө бурулат. Бул үч өлкөнү байланыштырган жаңы эл аралык логистикалык багытты түзүүгө мүмкүндүк берет.

Pakistan Post менен өнөктөштүк “Кыргыз почтасы” ААК үчүн эл аралык логистиканы кеңейтүүгө, электрондук коммерция кызматтарын өнүктүрүүгө жана Кыргызстандын аймактык транспорттук-логистикалык каттамдардагы ролун бекемдөөгө жаңы мүмкүнчүлүктөрдү ачат.

Сообщение Кыргызстан — Пакистан: почта логистикасы жана электрондук коммерция үчүн жаңы мүмкүнчүлүктөр появились сначала на Кыргыз почтасы.