«Кыргыз почтасы» ААКтын борбордук кеңсесинде TEMU эл аралык электрондук соода платформасынын өкүлдөрү менен кызматтык жолугушуу болуп өттү. Сүйлөшүүлөрдүн негизги темасы эки тараптуу кызматташууну талкуулоо жана Кыргыз Республикасынын аймагында биргелешкен долбоорлорду ишке киргизүү болду.
Иш сапардын алкагында ТЕМУнун делегациясы Кыргыз почтасынын логистикалык инфраструктурасы жана логистикалык борбору менен таанышты. Конокторго эл аралык почта жөнөтмөлөрүн жеткирүү тармагындагы заманбап технологиялар көрсөтүлдү.
Жолугушууга компаниянын вице-президенти Чен Цзякун жана TEMUнун аймактык директору Ян Фан катышты. «Кыргыз почтасынын» атынан сүйлөшүүлөрдү компаниянын негизги өкүлдөрү менен бирге башкы директор Марат Черикчиев алып барды.
Тараптар стратегиялык өнөктөштүктүн багыттарын, анын ичинде трансчек аралык электрондук сооданы өнүктүрүү, биргелешкен логистикалык демилгелерди, ошондой эле Кыргызстанда жана чет өлкөлөрдө кардарлар үчүн жаңы кызматтарды киргизүүнү талкуулашты.
TEMU менен биргелешкен демилгелерди ишке ашыруу буйрутмаларды жеткирүү мөөнөттөрүн кыскартат, логистикалык процесстерди оптималдаштырат жана дүйнөлүк онлайн рынокто товарларга кеңири жеткиликтүүлүктү камсыз кылат.
Дүйнөлүк электрондук коммерциянын тез өсүшүнүн шартында «Кыргыз почтасы» ААК Кыргыз Республикасындагы электрондук коммерцияны өнүктүрүүгө өзүнүн катышуусун активдүү кеңейтүүдө. Улуттук почта оператору логистикалык инфраструктураны модернизациялоо менен гана чектелбестен, TEMU сыяктуу эл аралык платформалар менен стратегиялык өнөктөштүктү түзүп, кыргызстандык керектөөчүлөр жана ишкерлер үчүн жаңы мүмкүнчүлүктөрдү ачып жатат.
Бул жолугушуу Кыргызстанда туруктуу жана технологиялык жактан өнүккөн логистикалык экосистеманын калыптанышына карай маанилүү кадам болду. «Кыргыз почтасы» ААК алдыңкы тажрыйбаны киргизүү жана дүйнөлүк рыноктун лидерлери менен кызматташуу аркылуу электрондук соода тармагындагы позициясын мындан ары да бекемдөөгө ниеттенүүдө.
