Кыргыз Республикасынын Президенти Садыр Нургожоевич Жапаровдун 2-ноябрда Астанада өткөн Түрк мамлекеттер уюмунун саммитинде жарыяланган демилгесинин аркасында бүгүн 11-сентябрда Кыргызстан менен Түркмөнстандын ортосунда почта байланышын жана логистиканы өнүктүрүүдө маанилүү кадам жасалды. «Кыргыз почтасы» ААКнын башкы директору Марат Черикчиев Түркмөнстан почта компаниясынын башкы директору Сердар Оввадов менен онлайн баарлашып, тараптар узак мөөнөттүү стратегиялык өнөктөштүк тууралуу келишимге кол коюшту.
Бул келишимдин максаты почталык логистика жана электрондук коммерция тармагында туруктуу жана өз ара пайдалуу мамилелерди түзүү болуп саналат. Түркмөнбашы портуна чыгуу мүмкүнчүлүгү бар логистикалык комплексти колдонуу мүмкүнчүлүгү менен Кытай, Кыргызстан жана Түркмөнстандын ортосунда үзгүлтүксүз логистикалык чынжырды түзүүгө өзгөчө көңүл бурулууда.
«Кыргыз почтасы» ААКнын башкы директору Марат Черикчиев белгилегендей, бул келишимге кол коюу эки почта операторунун ортосундагы байланышты бекемдеп гана тим болбостон, Кыргызстан менен Түркмөнстандын жарандары үчүн кыйла натыйжалуу жана жеткиликтүү почта кызматтарын түзүүгө жол ачат. Материалдык-техникалык жактан камсыз кылууну жакшыртуу жана почта менен жеткирууну тездетуу бул кызматташтыктын негизги аспектилери болуп саналат, бул эки өлкөнун экономикасына да, элдеринин күнүмдүк турмушуна да жагымдуу таасир тийгизери шексиз.
Кошумчалай кетсек, келишим эки өлкөнүн бизнеси менен коомунун ортосундагы тыгыз өз ара аракеттенүүгө өбөлгө түзөт. Ал электрондук сооданы өнүктүрүү, тажрыйба жана технология алмашуу үчүн жаңы мүмкүнчүлүктөрдү ачат, бул акыр аягында экономикалык жана социалдык инфраструктураны чыңдоого жардам берет.
Бул кадам эл аралык кызматташуу актуалдуу маселелерди чечүүгө жана почта байланышы тармагындагы инфраструктураны жакшыртууга кандайча жардам береринин ачык мисалы болуп саналат. Кол коюлган келишим эки өлкөнүн жарандарынын жыргалчылыгы үчүн тармактын мындан аркы өсүшү жана гүлдөшү үчүн шарттарды түзүп, Кыргызстан менен Түркмөнстандын почта операторлорунун өнүгүүсүндөгү жаңы этапты билдирет.
