Category: Жанылыктар

2025-жылдын 14-августунда Чолпон-Ата шаарында Россия-Кыргыз өнүктүрүү фонду тарабынан уюштурулган VII Кыргыз-Россия экономикалык форуму болуп өттү. Форум Кыргыз Республикасынын Президенти Садыр Жапаровдун жана Россия Федерациясынын Президенти Владимир Путиндин куттуктоо сөздөрүн окуу менен ачылды, бул эки өлкөнүн ортосундагы өнөктөштүктүн жогорку деңгээлин баса белгиледи. «Кыргыз почтасы» ААКтын атынан форумга башкы директор Марат Черикчиев катышып, ал «Базарларга жетүү: электрондук соода, логистика жана инфраструктура» панелдик сессиясынын модератору болду. Талкуунун негизги темаларынын арасында: трансчегаралык e-commerce өнүктүрүү, логистиканы санариптештирүү, Кытай–Кыргызстан–Өзбекстан темир жол долбоору, инвестициялар, «жашыл» технологияларды киргизүү жана эл аралык кызматташтыкты кеңейтүү. Сессия мамлекеттик структуралардын, логистикалык компаниялардын, e-commerce платформаларынын жана эл аралык өнөктөштөрдүн өкүлдөрүн бириктирди. «Кыргыз почтасынын» форумга катышуусу – глобалдык соода-логистикалык процесстерге интеграциялоо үчүн маанилүү кадам болду.

«Кыргыз почтасы» ААК көп жылдан бери жеткирүү кызматын көрсөтүп келет. Келишимдин шарттарына ылайык, почта бөлүмдөрүнүн кызматкерлери пенсияларды түздөн-түз пенсионерлердин үйлөрүнө жеткиришет. Социалдык фонд почта же банк кызматтары үчүн жеткирилген суммадан акы төлөйт. Төлөмдүн өлчөмү Кыргыз Республикасынын Министрлер Кабинетинин токтому менен белгиленген. Белгилейбиз: жарандар алган пенсиялардан эч кандай комиссия алынган эмес жана мындан ары да алынбайт.

2025-жылдын 28–31-июлунда «Кыргыз почтасы» ААКтын делегациясы Экономика жана коммерция министрлиги жана Бажы кызматынын өкүлдөрү менен биргеликте Кытайдын Ханчжоу шаарына иш сапар менен барышты. Максат — электрондук коммерция жана логистика тармагындагы алдыңкы тажрыйбаларды изилдөө жана кызматташууну чыңдоо. Иш сапардын жүрүшүндө делегация заманбап бажы жана бонддук кампалардын иши менен таанышып, товарларды кабыл алуу, сактоо, автоматташтырылган сорттоо жана жөнөтүүлөрдү санарип көзөмөлдөө процессин көрүштү. Ошондой эле e-commerce платформалары менен интеграциянын мисалдары сунушталды. Alibaba 1688 платформасынын өкүлдөрү менен жолугушууда B2B багытындагы кызматташтык жана «Кыргыз почтасынын» экспорттук-импорттук операциялардагы ролу талкууланды. Бул визит эл аралык өнөктөштүктү бекемдөөгө жана Кыргыз Республикасында почта кызматтарын санариптик трансформациялоого чоң салым кошот.

«Кыргызстан аэропорттору» ААК, «Кыргыз почтасы» ачык акционердик коому жана Кыргыз Республикасынын Финансы министрлигине караштуу Мамлекеттик бажы кызматынын алдындагы «Бажы инфраструктурасы» мамлекеттик ишканасы биргеликте «Манас» эл аралык аэропортунун аймагында мультимодалдык логистикалык жана E-Commerce хабын ишке киргизүү жана ыкчам башкаруу негизги максаты болгон Стратегиялдык кызматташтык жөнүндө Меморандумга кол коюшту. Демилге өз ара сыйлоо, ишеним көрсөтүү жана тең укутуулуктун негизинде экономикалык, инвестициялык өз ара иш алып барууну өнүктүрүүгө жана узак мөөнөттүү өнөктөштүккө багытталган. Долбоордун алкагында биргелешкен өнөктөштүк түзүлөт жана хабдын оператору катары чыгат, анын инфраструктурасы ар кандай типтеги кампаларды, фулфилмент-зоналарын, бажы терминалдарын, логистикалык модулдарды, IT-чечимдерди жана санариптик сервистерди камтыйт. Ошондой эле, резиденттер жана өнөктөштөр үчүн аянтчалар каралат. «Кыргызстан аэропорттору» ААК жер тилкесин бөлүп берүүгө, инженердик туташтырууларды камсыз кылууга жана долбоордук документацияны алууга милдеттенет. «Кыргыз почтасы» ААК санарип интеграциялар менен программалык чечимдерди берип, өзүнүн…

«Кыргыз почтасы» ААК Кемин-1 почта бөлүмүнүн капиталдык оңдоп-түзөө иштерин ийгиликтүү аяктады. Оңдоп-түзөө иштери Кемин районун өнүктүрүү фондунун каржылык колдоосу жана райондун акими Кутпидин Шакировдун көмөгү менен жүргүзүлдү. Ал бөлүмдүн ачылыш аземине да катышты. Жаңыланган бөлүмдө кардарлар үчүн ыңгайлуу жана заманбап шарттар түзүлгөн.Эми Кемин шаарынын жашоочулары жана меймандары почта жөнөтүүлөрдү ыңгайлуу шартта алып, жибере алышат.

«Кыргыз почтасы» ААКтын борбордук кеңсесинде TEMU эл аралык электрондук соода платформасынын өкүлдөрү менен кызматтык жолугушуу болуп өттү. Сүйлөшүүлөрдүн негизги темасы эки тараптуу кызматташууну талкуулоо жана Кыргыз Республикасынын аймагында биргелешкен долбоорлорду ишке киргизүү болду.Иш сапардын алкагында ТЕМУнун делегациясы Кыргыз почтасынын логистикалык инфраструктурасы жана логистикалык борбору менен таанышты. Конокторго эл аралык почта жөнөтмөлөрүн жеткирүү тармагындагы заманбап технологиялар көрсөтүлдү.Жолугушууга компаниянын вице-президенти Чен Цзякун жана TEMUнун аймактык директору Ян Фан катышты. «Кыргыз почтасынын» атынан сүйлөшүүлөрдү компаниянын негизги өкүлдөрү менен бирге башкы директор Марат Черикчиев алып барды.Тараптар стратегиялык өнөктөштүктүн багыттарын, анын ичинде трансчек аралык электрондук сооданы өнүктүрүү, биргелешкен логистикалык демилгелерди, ошондой эле Кыргызстанда жана чет өлкөлөрдө кардарлар үчүн жаңы кызматтарды киргизүүнү талкуулашты.TEMU менен биргелешкен демилгелерди ишке ашыруу буйрутмаларды жеткирүү мөөнөттөрүн кыскартат, логистикалык процесстерди оптималдаштырат жана дүйнөлүк онлайн рынокто товарларга кеңири жеткиликтүүлүктү камсыз кылат.Дүйнөлүк электрондук коммерциянын…

Кыргыз Республикасынын Министрлер Кабинетинин төрагасынын биринчи орун басары Д.Ж. Амангелдиев өлкөнүн почта-логистика тармагын модернизациялоо жана санариптештирүү иштеринин алкагында «Кыргыз почтасы» ААКнын жаңы логистикалык борборуна барды. Визитке Санариптик өнүктүрүү министри А.М. Жамангулов, Бажы кызматынын жана Экономика министрлигинин өкүлдөрү катышты. «Кыргыз почтасы» ААКнын башкы директору М. Черикчиев конокторго автоматташтырылган сорттоо линиясы, постаматтар, Face ID биометрикалык тутуму жана электрондук коммерция үчүн маалыматтык система менен онлайн логистиканы көзөмөлдөө мүмкүнчүлүктөрүн көрсөттү. Бул борбор Электрондук коммерциянын Бирдиктүү борбору болуп саналат. Ал товар жеткирүүнүн бардык этаптарын ачык жүргүзүүнү, жеткирүү мөөнөттөрүн кыскартууну жана санарип кызматтарды кеңейтүүнү камсыздайт. «Кыргыз почтасы» ААК логистикалык инфраструктураны жаңылоону жана санариптештирүүнү улантат.

Бүгүн, «Кыргыз почтасы» ААКнун башкы директору Марат Черикчиев жана анын командасы Ысык-Көл облусуна болгон иш сапарынын алкагында, Ак-Суу районунун Жергез айылындагы жаңы почта бөлүмүнүн салтанаттуу ачылышына катышышты. Ачылыш учурунда Марат Черикчиев почта тармагын өнүктүрүүгө кошкон салымы жана жаңы бөлүмдү ишке киргизүүдөгү колдоосу үчүн Ысык-Көл облусундагы Президенттин ыйгарым укуктуу өкүлчүлүгүнө, Ак-Суу райондук администрациясына, Кыдыр Аке жана Хан-Теңири айыл өкмөттөрүнө, ошондой эле долбоордун ишке ашуусуна салым кошкон бардык тараптарга ыраазычылык билдирди. Ошол эле күнү Марат Черикчиев Хан-Теңири айылындагы жаңыланган почта бөлүмүнө да барып, жакында бүткөн капиталдык оңдоо иштеринин жыйынтыгы менен таанышты. «Кыргыз почтасы» ААК өзүнүн инфратүзүмүн системалуу түрдө жаңылап, филиалдар түйүнүн кеңейтип, заманбап санариптик чечимдерди киргизүүдө. Максат — почта кызматтарын Кыргызстандын бардык жарандары үчүн — шаардан тартып эң алыскы айылдарга чейин жеткиликтүү, ыңгайлуу жана сапаттуу кылуу.

«Кыргыз почтасы» ААК автоунаа ээлери үчүн жаңы кызматтын башталганын кабарлайт: эми автограждандык жоопкерчиликти милдеттүү камсыздандыруу (ОСАГО) полисин өлкө боюнча бардык почта бөлүмдөрүнөн тариздөөгө болот. 2025-жылдын 1-июлунан тарта Кыргызстанда ОСАГО полисисиз автоунаа айдаган жарандарга айып пул салынат. Убакытты текке кетирбеңиз — милдеттүү камсыздандырууну жакынкы почта бөлүмүнөн азыр эле жүргүзүңүз! ОСАГО деген эмне?Бул — жол кырсыгы болгон учурда башка адамдарга келтирилген зыянды жабуу үчүн автоунаа ээси тарабынан алынуучу милдеттүү камсыздандыруу. Эгерде сиз кырсыктын күнөөкөрү болуп калсаңыз, ОСАГО жабыр тарткан тараптын автоунаасына, ден соолугуна же мүлкүнө келтирилген чыгымды жабат. Эмне үчүн “Кыргыз почтасын” тандоо керек? Камсыздандырууну тез жана ыңгайлуу тариздөө Өлкө боюнча 800дөн ашуун бөлүмдөр бар Узун кезек жок Тажрыйбалуу адистер кеңеш берет Үйлөрдү камсыздандыруу (ОСЖ) жана кыймылсыз мүлк боюнча полистер дагы жеткиликтүү Мамлекеттик кепилдик жана ишеним «Кыргыз почтасы» ААК ар дайым заман…

2025-жылдын 13-июнунда Бишкек шаарында жайгашкан «Кыргыз почтасы» ААКнын жаңы логистикалык борборунун базасында жумушчу жолугушуу болуп өттү. Иш-чарага Кыргыз почтасынын, Мамлекеттик бажы кызматынын, ошондой эле электрондук соода тармагында иш алып барган 35тен ашуун логистикалык жана транспорттук компаниялардын өкүлдөрү катышты. Жолугушуунун негизги максаты — логистикалык борбордун жаңы мүмкүнчүлүктөрүн тааныштырып, электрондук соода жана логистикалык инфраструктуранын негизги багыттарын талкуулоо болду. Катышуучулар логистикалык процесстерди консолидациялоо, айрыкча трансчек аралык соодада бизнес үчүн ыңгайлуу шарттарды түзүү жана операторлорду бирдиктүү жайга көчүрүү маселелерин карашты. Кыргыз Почтасынын Кытай, АКШ жана Германиядагы кампа инфраструктурасын биргеликте пайдалануу сунушу да чоң кызыгуу жаратты. Жолугушууда жаңы автоматташтырылган сорттоо линиясы менен Face ID технологиясы — кардарларды тез жана коопсуз идентификациялоо чечими иш жүзүндө көрсөтүлдү. Иш-чара конструктивдүү жана жемиштүү өтүп, мындан аркы кызматташтык үчүн жол ачты.