Author: postman

“Кыргыз почтасы” ААК Байланыш күнүнө карата уюштурулган мини-футбол боюнча турнирге катышты. Спорттук иш-чара тармактагы уюмдардын өкүлдөрүн бириктирип, акыйкат атаандаштык жана командалык ынтымак шартында өттү. “Кыргыз почтасы” ААКтын командасы жогорку даярдык деңгээлин, бирдиктүү оюнун жана жыйынтыкка болгон умтулуусун көрсөттү. Мелдештин жыйынтыгында команда ардактуу экинчи орунду ээледи. Мындай иш-чаралар корпоративдик духту бекемдөөгө, командалык өз ара аракеттенүүнү өнүктүрүүгө жана кызматкерлер арасында сергек жашоо образын жайылтууга өбөлгө түзөт.

Бишкек шаарында Business Run 2026 аттуу ири корпоративдик жүгүрүү жарышы болуп өттү. Катышуучулардын арасында “Кыргыз почтасы” ААКтын кызматкерлери да болуп, бул спорттук иш-чараны активдүү колдошту. Жүгүрүү жарышы командалык форматта өтүп, ар түрдүү компаниялардын өкүлдөрүн жана активдүү жаштарды бириктирди. Катышуучулар физикалык даярдыгын гана эмес, командалык рухту, биримдикти жана өз ара колдоону да көрсөтүштү. «Кыргыз почтасы» ААК сергек жашоо образын жайылтууга жана корпоративдик маданиятты өнүктүрүүгө багытталган демилгелерди туруктуу колдоп, жаштарды коомдук жана спорттук иш-чараларга активдүү тартууга өзгөчө көңүл бурат.

“Кыргыз почтасы” ААК тарабынан өткөрүлүп жаткан эпистолярдык жанрдагы эл аралык сынактын алкагында райондук жана шаардык филиалдарга келип түшкөн каттар учурда атайын түзүлгөн комиссия тарабынан каралууда. Комиссия катышуучулардын иштерин сынактын талаптарына ылайык кылдаттык менен баалап, ар бир каттын мазмунуна жана чыгармачыл деңгээлине өзгөчө көңүл бурууда. Белгилей кетсек, райондук жана шаардык деңгээлде тандалып алынган жеңүүчүлөрдүн каттары сынактын экинчи — республикалык этабына жөнөтүлөт. Ал эми биринчи этаптын жеңүүчүлөрүнө сыйлыктар акыркы коңгуроо күнүнө карата тапшырылат.

Дүйнөлүк эмгекти коргоо күнүнө карата “Кыргыз почтасы” ААКнын “Эл аралык почта алмашуу жана логистика борбору” филиалынын кызматкерлеринин арасында конкурс өткөрүлдү. Конкурс “Коопсуз эмгек — ийгиликтин кепилдиги” темасында өтүп, анын алкагында катышуучулар эмгекти коргоо эрежелери, жеке коргонуу каражаттарын колдонуу, биринчи жардам көрсөтүү жана башка багыттар боюнча даярдыктарын көрсөтүштү. Иш-чаранын жыйынтыгында атайын дайындалган комиссия жеңүүчүлөрдү аныктап, бардык командалар активдүү катышкандыгы үчүн акчалай сыйлыктар жана ардак грамоталар менен сыйланышты.

«Кыргыз почтасы» ААК аркылуу ар бир адам жакындарына кам көрүп, көңүл бура алат — гезиттерге жана журналдарга жазылуу аркылуу. Бул өзгөчө улуу муун үчүн актуалдуу, анткени аларды маалымат менен камсыз кылуу жана коомдук турмушка тартуу маанилүү. Каалаган почта бөлүмүнө кайрылып, гезит жана журналдарга жазылыңыз.

2026-жылдын 10-апрелинде “Кыргыз почтасы” ААКтын акционерлеринин жылдык жалпы жыйыны өткөрүлдү. Жыйындын алкагында Коомдун 2025-жылдагы финансы-чарбалык ишмердүүлүгүнүн жыйынтыктары чыгарылып, корпоративдик башкаруунун негизги маселелери каралып, алдыдагы мезгилге карата артыкчылыктуу багыттар аныкталды. Жыйынга мамлекеттик органдардын өкүлдөрү, акционерлер, Ички аудит кызматынын мүчөлөрү, көз карандысыз аудиторлор жана компаниянын жетекчилиги — “Кыргыз почтасы” ААКтын башкы директору Марат Черикчиев баш болгон курам катышты. Жыйындын жүрүшүндө жылдык отчет жана бухгалтердик (финансылык) отчеттуулук бекитилип, пайда бөлүштүрүү, ошондой эле башкаруу жана көзөмөл органдарынын ыйгарым укуктарын шайлоо жана тастыктоо маселелери каралды. 2025-жылдын жыйынтыгы боюнча “Кыргыз почтасы” ААК негизги финансы-экономикалык көрсөткүчтөрү боюнча оң динамиканы көрсөтүп, туруктуу өнүгүүсүн улантты. Компания рыноктогу позициясын бекемдеп, эл аралык кызматташтыкты кеңейтип, санариптештирүү жана инфраструктураны модернизациялоо иштерин улантууда. Алдыңкы багыттардын катарына санариптик кызматтарды өнүктүрүү, кызмат көрсөтүүнүн сапатын жогорулатуу жана финансылык туруктуулукту бекемдөө кирет.

Алгачкы кадамдардын бири катары Асман Эйрлайнстын учак журналынын биринчи чыгарылышына макалалардын жарыяланышы саналат. Жакынкы убакытта журнал авиакомпаниянын бардык учактарында, ошондой эле Кыргыз Республикасынын аба майдандарынын бизнес аймактарында жеткиликтүү болот. “Кыргыз почтасы ААК – Кыргыз Республикасынын почта байланыш кызматынын дайындалган оператору болуп саналат жана өлкөнүн почта инфратүзүмүн өнүктүрүүнү камсыздайт. “Асман Эйрлайнс” авиакомпаниясы” ЖЧКсы — мамлекеттик авиакомпания жана “Кыргызстандын аэропорттору” ААКтын 100% туунду ишканасы болуп, ички каттамдар тармагын өнүктүрүүгө багытталган.

“Кыргыз почтасы” ААКтын Ички коопсуздук кызматынын кызматкери Кенчибек Сокубашев спорттук нарда оюну боюнча эл аралык турнир — Азиянын Гран-присине ийгиликтүү катышып, жогорку жыйынтык көрсөттү. Турнир Ташкент шаарында (Өзбекстан) өткөн. Мелдешке ар кайсы өлкөлөрдөн келген күчтүү оюнчулар, анын ичинде дүйнө чемпиондору жана наамдуу спортчулар катышты. Жогорку атаандаштыкка карабастан, Кенчибек Сокубашев ишенимдүү оюн көрсөтүп, узун нарда дисциплинасы боюнча эң күчтүү беш оюнчунун катарына кирди. Бул жыйынтык өзгөчө мааниге ээ, анткени спортчу мындай деңгээлдеги мелдешке биринчи жолу катышкан. Мелдештин жүрүшүндө ал көп жылдык тажрыйбасы бар күчтүү атаандаштарын да жеңе алды. “Кыргыз почтасы” ААК кызматкеринин жетишкендигин жогору баалайт, анткени ал Кыргыз почтасын гана эмес эл аралык аренада Кыргыз Республикасын да татыктуу тааныта алды.

“Кыргыз почтасы” ААК коррупцияга жол бербөө саясатын карманат жана бардык бөлүмдөрүндө ачыктыкты жана тартипти камсыз кылуу боюнча иштерди туруктуу жүргүзүп келет. Анын алкагында “Кыргыз почтасы” ААКтын контролдоо-ревизиялык башкармалыгынын көмөгү менен Кыргыз Республикасынын Улуттук коопсуздук мамлекеттик комитети тарабынан Сокулук райондук филиалында бюджеттик каражаттарды мыйзамсыз пайдалануу фактысы аныкталды. Текшерүүнүн жүрүшүндө филиалдын мурдагы башкы эсепчиси 2025-жылдын август айынан 2026-жылдын январь айына чейинки мезгилде кызматтык абалынан пайдаланып, акча каражаттарын өзүнүн жеке банктык эсебине мыйзамсыз которуп турганы аныкталды. Келтирилген зыяндын жалпы суммасы 15 млн сомду түздү. Каражаттын бир бөлүгү жеке максаттарга, анын ичинде Ысык-Көл облусундагы кыймылсыз мүлктү сатып алууга жумшалган. Бул факты боюнча кылмыш иши козголду. Учурда тергөө иштери жүрүп жатат жана келтирилген зыянды кайтаруу боюнча чаралар көрүлүүдө.

14-март күнү “Кыргыз почтасы” ААКтын борбордук аппаратынын жана өлкө боюнча почта бөлүмдөрүнүн кызматкерлери жалпы республикалык ишембиликке активдүү катышышты. Ишембиликтин жүрүшүндө кызматкерлер коомдук жайларды, парктарды жана айлана-чөйрөнү таштандыдан тазалап, бактарды сырдашты. Ошондой эле аймактарды көрктөндүрүү максатында жаңы көчөттөр жана гүлдөр отургузулду. Мындай иш-чаралар айлана-чөйрөнүн тазалыгын сактоого, шаарлар менен айылдарды көрктөндүрүүгө чоң салым кошот. “Кыргыз почтасы” ААК коомдук пайдалуу жана экологиялык демилгелерди ар дайым колдойт. Өлкөбүздүн тазалыгына өз салымын кошкон бардык кызматкерлерге терең ыраазычылык билдиребиз!